Identifikation
Titel
Die Brüder von Bevelte verkaufen wiederkäuflich ihr Gut zu +Husen an Richard und Gerhard Dotesche.
1394 November 22.
Orig., Perg., Mäusefraß; von vier anhängenden Siegeln (1) stark beschädigt, (2) - (4) ab.
Druck: UB Barsinghausen Nr. 400
We Hinrik, Bertold, Stacies unde Ghise alle gheheten van Bevelte knechte bekennet unde betughet openbare in dessem breve beseghelt myd unsen inghesegelen, dat we unde use erven schuldich sind rechter schult Rycherde Dotschen, Gherde synem brodere unde oren erven unde dem, de dessen bref heft ane ore wedersprake, vertich Rynsche ghuldene, de ghut syn van gholde unde sware noch van wichte, dar wy on vore ghezad hebbet unde settet in dessem breve unse ghut, dat wy hebben to Husen bynnen unde buten deme dorpe, myd aller slachtenuth; unde scholen unde willen des ghudes or rechte warend wesen, wur wanne unde wo dicke on des to donde is unde se dat van us esschet. Weret ok dat we on desset vorscreven gholt wedergheven wolden eder wan se dat wederhebben wolden, dat schal user eyn deme anderen vorekundighen in den twolf nachten to wynachten; wan dat gheschen is, so schulle wy unde willet darna to den neghesten tokomenden paschen on betalen desse vorscrevenen vertich ghuldene an eynem hope bynnen der stad Wunstorpe eder to dem Grevenalveshaghen, in welk der twier stede en on dat bequemest is, sunder vortoch unde unbeworn. Weret dat des nicht enschude uppe de vorscreven tiid, so wille we inkomen to Wunstorpe unde dar lighen en recht inlegher unde dar nicht uttobenachtende, we enhebben on erst desse vorscreven vertich ghuldene betalet eder wy endeden dat myd oren ghuden wyllen. Alle desse vorscreven stucke love we on in ghuden truwen vor us unde vor use erven stede vast sunder alle list unvorbroken to holdende. Gheven na godes bord dritteynhundert jar in dem ver unde neghentighesten jare in sunte Cecilien daghe der hilghen
Laufzeit
22.11.1394
Enthält
juncvrowen.
Indexbegriffe:
Bevelte, Berthold v., Kn.
Bevelte, Giso, Kn.
Bevelte, Heinrich v., Kn.
Bevelte, Stazius v., Kn., Ew. in Groß-Munzel
Dotesche, Gerhard, Kn., Br. d. Dethard, Burgmann in Lauenau
Dotesche, Richard, Kn., S. d. Berta, Vogt in Hagenburg
+Husen, wüst w. Wennigsen südl. Argestorf
+Husen, Güter
Stadthagen (Grevenalveshagen, Hagen, Indago)
Wunstorf, Stadt
| Aktion | Typ | Bezeichnung | Zugang | Info |
|---|---|---|---|---|
| Detailseite | Original | U |
|
Arcinsys